Desde’l dia yo ya conose contigo,
etu lang el pirmi laman del pensamiento,
masquin donde yo anda
pirmi yo ta acorda
el maga dia quando junto pa kita.
Ahora lejos ya tu neng aqui cumigo,
hinde ya ta puede agara’l de tuyu mano,
na tristesa ta vivi
dolor el cosa ta sinti
resando era algun dia tu taqui.
CHORUS I:
Largo tiempo ya el ya pasa canatun mi amor,
Quanto año ya nuay yo uhi cuntigo,
Nusabe yo si ta acorda pa tu cumigo mi amor,
Pero si tu pregunta, quetal iyo hay contesta,
Nuay dia que hinde yo cuntigo ta pensa.
Ya sabe iyo cay tiene ya tu otro,
Quando ya pruba iyo busca contigo,
abrasando nuevo ya
contigo ahora ta vesa
como ulan mi lagrimas ya empeza.
Ahora noche bolbe yo pensando syempre,
Con el maga dia antes bien alegre,
masquin duele precura
masquin tormento ulvida
de tuyu nombre na mi corazon bora.
CHORUS II:
Largo tiempo ya el ya pasa canatun mi amor,
Quanto año yo ya espera cuntigo
Quanto año yo ya aguanta’l tristesa y dolor,
Si pwede lang ase bira el tiempo junto pa kita
Hinde gat yo, cuntigo nunca yo deja.
(REPEAT CHORUS I)
Nuay dia que hinde yo cuntigo ta pensa,
Nuay dia que hinde yo cuntigo ta pensa.